प्रवास

वैदेशिक रोजगारीमा जानेहरूको खोप कार्ड प्रमाणीकरण यी चार अस्पतालमा हुँदै

इकागज |
साउन ८, २०७८ शुक्रवार १४:१५ बजे

काठमाडौँ – वैदेशिक रोजगारीमा जाने नपाली कामदारले खोप लगाएपछि उपत्यकाको चार वटा अस्पतालमा खोप कार्ड प्रमाणीकरण हुने भएको छ । टेकुस्थित शुक्रराज ट्रपिकल तथा सरुवा रोग अस्पताल, बानेश्वरको सिभिल अस्पताल, बलम्बुस्थित सशस्त्र प्रहरी अस्पताल र ललितपुरको पाटन अस्पतालमा खोप लगाएको प्रमाणीकरण पाउने भएका हुन् ।

खोप महशाखाका प्रमुख डा. झलक शर्माका अनुसार एउटा अस्पतालमा खोप प्रमाणीकरण गर्दा बढी भिडभाड हुने भएकाले अन्य तीन अस्पताल थपिएको हो । खोप प्रमाणीकरण गर्ने अस्पताल थपेपछि भिडभाड कम हुने उनले विश्‍वास व्यक्त गरे । यसअघि टेकुको शुक्रराज ट्रपिकल अस्पतालमा मात्र खोप कार्डको प्रमाणीकरण हुँदै आएको थियो । उपत्यकाको जुनसुकै खोप केन्द्रमा खोप लगाए पनि प्रमाणीकरण गर्न टेकु अस्पतालमा जानुपर्ने व्यवस्था थियो ।


वैदेशिक रोजगारमा जानेले जोनसन एण्ड जोनसको 'जान्सिन' खोप लगाएका थिए । रोजगार गन्तव्य मुलुकले खोप अनिवार्य गरेकाले खोप लगाउनेको भिड र खोप लगाएमा क्वारेन्टीन बस्ने झन्झटबाट मुक्त हुनेछन् । खोप नलगाएमा सम्बन्धित मुलुकमा पुगेर होटल क्वारेन्टीन बस्नुपर्ने व्यवस्था छ ।


Author

थप समाचार
x