ज्ञवालीको पुस्तक बेलायती प्रकाशनले बजारमा ल्यायो

काठमाडौँ- नेपाली मुलकी श्रीयन्सी ज्ञवालीको पुस्तक ‘द डार्क सेक्रेट्स अफ अन्नेम’ बजारमा ल्याएको छ । बेलायती प्रकाशक अष्टिन म्याक्कले पब्लिसर्सले उनको पुस्तक प्रकाशन गरेको हो ।

अंग्रेजी साहित्यमा लोकप्रिय ‘टिन फेन्सासी’ विधाको पुस्तकलाई प्रकाशकले १५ वर्षदेखि १७ उमेर समूहलाई लक्षित भनेको छ । तथापि पुस्तकको कथावस्तुले अन्य उमेर समूहकालाई पनि तान्ने प्रकाशकको दाबी छ।

---

‘द डार्क सेक्रेट्स अफ अन्नेम’ले सानैमा अभिभावक गुमाएर अनाथालयमा हुर्किएकी एक किशोरीको कथा भन्छ, जो हुर्कँदै गर्दा उनको पहिचानको खोजी र उनी बाँचेको क्रूर यथार्थसँग संघर्ष गर्न बाध्य हुन्छिन्।

पुस्तककी लेखीका आफै किशोरी हुन् । नेपालको भैरहवामा जन्मिएकी लेखिका सन् २०११ (विसं २०६८) मा उनको परिवारसँगै क्यानडा सरेकी थिइन्।

त्यस समय उनी २२ महिनाको मात्र थिइन् । क्यानडाको ओन्टारियो प्रोभिन्सको ब्रम्प्टनमा बस्ने ज्ञवालीलाई सानैदेखि साहित्य लेखनमा रुचि रहेकाले अभिभावक र शिक्षकको प्रेरणाले पुस्तक लेख्न थालेकी थिइन्।

यो उपन्यास श्रयन्शीको पहिलो प्रकाशित पुस्तक हो । २४० पृष्ठको पुस्तक मे २६ मा बजारमा आएको हो । यसलाई अनलाइन साइट ‘अमेजन’बाट संसारभरिबाट खरिद गर्न सकिन्छ।