प्रभुले १०.५२ प्रतिशत बोनस दिने

काठमाडौं : प्रभु बैंकले १०.५२ प्रतिशत लाभांश वितरण गर्ने घोषणा गरेको छ । बैंकको सञ्चालक समितिले १० प्रतिशत बोनस सेयर वितरणको प्रस्ताव गरेको हो । बैंकले गत आर्थिक वर्ष एक अर्ब ८ करोड रुपैयाँ वितरणयोग्य नाफा गरेको थियो । चालु वर्षको पहिलो त्रैमासमा बैंकले १७ करोड ५६ लाख रुपैयाँ नाफा गरेको थियो ।

बैंकको चुक्ता पुँजी अहिले १० अर्ब ३१ करोड रुपैयाँ छ । अब चुक्ता पुँजी एक अर्बले बढ्ने छ। बैंकको जगेडा कोषमा ५ अर्ब २९ करोड रुपैयाँ छ । पछिल्लो तीन वर्षयता बैंकले निरन्तर लाभांश बाँड्दै आएको छ । गत बर्ष १६.८४ प्रतिशत लाभांश दिएको बैंकले त्यसअघि ८.४२ प्रतिशत लाभांश दिएको थियो ।

---

पछिल्लो एक महिनायता बैंकको सेयर मूल्य निरन्तर बढेपनि एक सातायता भने घटिरहेको छ । अहिले बैंकको सेयर मूल्य ३४२ रुपैयाँ छ। राष्ट्र बैंकले प्रस्तावित लाभांश स्वीकृत गर्न बाँकी छ ।