कर्पोरेट

आइएमई लाइफ इन्स्योरेन्सले ल्यायो बालकिरण जीवन बीमा योजना

इकागज |
असार १२, २०७९ १७:२१ बजे

काठमाडौँ - स्थापनाकालदेखि निरन्तर बजार हिस्सा बढाउँदै आएको आइएमई लाइफ इन्स्योरेन्सले एक आइएमई बालकिरण जीवन बीमा योजना बीमितहरूमाझ लोकप्रिय हुँदै आएको र पछिल्लो समयमा उल्लेख्य संख्यामा बिक्रि हुने बीमालेख भएको सार्वजनिक गरेको छ ।

बच्चाको जन्म लगत्तै लिन सकिने यो बीमा योजनामा बालबालिका तथा अभिभावक दुवैको पूर्ण अवधिका लागि अधिकतम जोखिम रक्षावरण सहित चौथो बर्षदेखि नै प्रत्येक बर्ष बीमा रकम फिर्ता हुँदै आउँछ ।  यसरी प्रत्येक बर्ष फिर्ता हुने रकमले अभिभावकहरूलाई बच्चाको विद्यालय भर्ना तथा अध्ययन खर्चमा सहयोगी भूमिका खेल्ने कुरा कम्पनीका प्रमुख कार्यकारी अधिकृत कवि फुयाँलले बताए ।


खासगरी अभिभावक तथा नव अभिभावकहरूको लागि अत्यन्त उपयुक्त तथा सहज यस बीमा योजनामा आफ्नो आवश्यकता अनुसारको बीमा अवधि छनौट गर्न सकिने, दुर्घटना तथा बिरामीको थप जोखिम वहन हुने तथा एउटै बीमामा दोहोरो जीवनको बीमा हुने जानकारी दिए ।



Author

थप समाचार
ad
x