सिट्रन सि फाइभ एयरक्रस नेपाली बजारमा

काठमाडौं- नेपाली बजारमा युरोपको चर्चित अटो ब्राण्ड सिट्रन भित्रिएको छ । सिट्रन फ्रान्सको चर्चित ब्राण्ड हो। सिट्रन ब्राण्डलाई पहिलो पटक साङ्ग्रिला मोटर्स प्रालिले नेपाली बजारमा भित्र्याएको हो ।  पहिलो पटक सिट्रनको नविनतम उत्पादन ‘सी फाइभ एयरक्रस एसयूभी’ बजारमा भित्रिएको छ ।

कम्पनीले हालैमात्र ब्राण्डको व्यवसायिक औपचारिकता शुरु गरेको छ । आइतबार एक समारोहको आयोजना गर्दै कम्पनीले थापाथलीस्थित सिट्रनको नयाँ शोरुमसँगै गाडी सार्वजनिक गरेको हो । 

---

१६०० सीसी पेट्रोल इन्जिनमा उपलब्ध सी फाइभ प्रिमियम सेग्मेन्टमा उत्कृष्ट र सुरक्षित एसयूभी रहेको कम्पनीले जनाएको छ । आकर्षक र बोल्ड लुक्सले गाडीको सुन्दरता झल्काएको छ भने लग्जरियस र सेफ्टी फिचर्सले प्रयोगकर्ताहरूको मन जित्ने कम्पनीको जनाएको छ ।