कोभिड बढेपछि बसाइ छोट्याउँदै पर्यटक, आज चार्टड फ्लाइटबाट अमेरिकी नागरिक स्वदेश फर्कँदै

काठमाडौँ : कोभिड-१९ संक्रमितको संख्या दिनप्रतिदिन बढन थालेपछि विदेशी नागरिकले नेपाल छोड्न थालेका छन् । कतार एयरवेजको चार्टड फ्लाइटबाट अमेरिकी दूतावासले करिब ३ सय नागरिकलाई  ७ बजे अमेरिका लैजान लागेको नागरिक उड्डयन प्राधिकरणले जनाएको छ ।

दूतावासले चार्टड गरेर आफ्नो नागरिक लान लागेको प्राधिकरणका प्रवक्ता राजकुमार क्षेत्रीले जानकारी दिए । सोमबार टर्किस एयरलायन्स मार्फत बिहान ९ बजे पनि अमेरिकनहरू जान लागेको उनले जानकारी दिए ।

---

कूटनीतिक कर्मचारी र नेपाली मूलका अमेरिकन नागरिकसमेत जान लागेको क्षेत्रीले बताए । यसअघि पनि बंगलादेशी कूटनीतिक नियोगका कर्मचारी हिमालय एयरलायन्स मार्फत गएका थिए ।