कोभिड–१९ बाट मृत्यु हुनेको संख्या १० हजार नाघ्यो

काठमाडौँ– नेपालमा कोरोना भाइरसबाट मृत्यु हुनेको संख्या शुक्रबारसम्म १० हजार नाघेको छ । अहिले ३४ हजार नौ सय ४२ सक्रिय संक्रमितहरू रहेका छन् । 
पछिल्लो सातायता संक्रमणको ग्राफ पुनः उकालो लागेको छ । कोभिड–१९ संक्रमितहरू अस्पताल भर्ना हुने दर पनि बढेको स्वास्थ्य तथा जनसंख्या मन्त्रालयका प्रवक्ता डा. समीरकुमार अधिकारीले बताए । 

नेपालमा अहिलेसम्म सात लाख १० हजार पाँच सय ९ जना कोभिड–१९ संक्रमित भैसकेका छन् भने ६ लाख ६५ हजार पाँच सय ४८ जना निको भैसकेका छन् । 
 

---