आइतबार थपिए ७३४ जना संक्रमित

काठमाडौँ - नेपालमा आइतबार थप ७ सय ३४ जनामा कोभिड १९ संक्रमण पुष्टि भएको छ । देशभर गरिएको ७ हजार ३ सय ४ पिसिआर परिक्षणका क्रममा ६ सय ५६ र २ हजार ७ सय ९ एन्टीजेन परिक्षणका क्रममा ७८ जनामा कोभिड संक्रमण पुष्टि भएको स्वास्थ्य मन्त्रालयले जनाएको छ ।

यससँगै नेपालमा कोभिड संक्रमितको संख्या ८ लाख ७३ हजार ५ सय ३४ पुगेको छ । त्यस्तै कोभिडका कारण थप १२ जनाको मृत्यु भएको छ । हालसम्म नेपालमा ११ हजार ४० जनाले कोभिडका कारण ज्यान गुमाएका छन् ।

---

त्यस्तै थप १ हजार ४ सय १३ संक्रमित कोभिडमुक्त हुँदा हालसम्म नेपालमा ७ लाख ४९ हजार १ सय १३ संक्रमित निको भएका छन् । हाल २४ हजार ३ सय १३ सक्रिय संक्रमित आइशोलेशन र २ सय ४८ जना क्वारेन्टाइनमा रहेको मन्त्रालयले जनाएको छ ।