थपिए ६६२ संक्रमित, ७५८ जना संक्रमणमुक्त

काठमाडौँ - नेपालमा बुधबार थप ६ सय ६२ जनामा कोभिड १९ संक्रमण पुष्टि भएको छ । देशभर गरिएको ७ हजार २२ पीसीआर परिक्षणका क्रममा ५ सय ३५ जना र १ हजार ४ सय ४ एन्टीजेन परिक्षणका क्रममा १ सय २७ जनामा कोभिड संक्रमण पुष्टि भएको स्वास्थ्य मन्त्रालयले जनाएको छ । 

यससँगै नेपालमा कोभिड संक्रमितको संख्या ९ लाख ७ सय ४८ पुगेको छ । त्यस्तै कोभिडका कारण थप १३ जनाको मृत्यु भएको छ । हालसम्म नेपालमा ११ हजार ३ सय १८ जनाको कोभिडका कारण मृत्यु भएको छ । 

---

त्यस्तै थप ७५८ जना कोभिडमुक्त हुँदा हालसम्म नेपालमा ७ लाख ८४ हजार १ सय ५५ जना निको भएका छन् । हाल ११ हजार ५ सय ७९ सक्रिय संक्रमित आइशोलेशन र २२७ जना क्वारेन्टाइनमा रहेको मन्त्रालयले जनाएको छ ।