सोमबार २ सय २० जनामा कोभिड पुष्टि

काठमाडौँ- नेपालमा सोमबार २ सय २० जनामा कोभिड संक्रमण पुष्टि भएको छ ।

देशभर गरिएको २ हजार ७ सय २५ पीसीआर परीक्षणका क्रममा २ सय १८ जना र १ हजार ४ सय १६ एन्टीजेन परिक्षणका क्रममा २ जनाम कोभिड पुष्टि भएको स्वास्थ्य मन्त्रालयले जनाएको छ ।

---

 यो सँगै नेपालमा कोरोना संक्रमितको संख्या ९ लाख २१ हजार ९ सय ३७ पुगेको छ । त्यस्तै कोभिडका कारण थप १ जनाको मृत्यु भएको छ ।

 हालसम्म नेपालमा ११ हजार ५ सय ७४ संक्रमितको कोभिडका कारण मृत्यु भएको छ । त्यस्तै थप २ सय ६३ जना कोभिडमुक्त हुँदा हालसम्म नेपालमा ८ लाख ९ हजार १ सय ५५ संक्रमित निको भएका छन् । 

हाल नेपालमा ५ हजार २ सय २५ सक्रिय संक्रमित आइशोलेशन र ९४ जना क्वारेन्टिनमा रहेको मन्त्रालयले जनाएको छ ।