विश्वकप छनोटः आज पनि दुई खेल हुने

काठमाडौँ- जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत आज शुक्रबार पनि दुई खेल हुने तालिका रहेको छ । शुक्रबार समूह ‘बी’ अन्तर्गतका दुई खेल हुने भएको हो ।

बुलावायो एथलेटिक क्लबमा हुने खेलमा स्कटल्यान्डले युनाइटेड अरब इमिरेट्स (यूएई) को सामना गर्नेछ । त्यसैगरी, क्विन्स स्पोर्ट्स क्लबमा श्रीलंकाले ओमानविरुद्ध खेल्नेछ । दुवै खेल नेपाली समयअनुसार दिउँसो १२:४५ बजेबाट सुरु हुनेछ । 

---

समूह ‘बी’ मा लगातार दुई खेलमा जित हात पार्दै चार अंकसहित ओमान शीर्ष स्थानमा छ । यता श्रीलंका र स्कटल्यान्डले भने खेलमा एक-एक खेलमा जित हात पारेका छन् ।

यूएई र आयरल्यान्डले समान २-२ खेलमा पराजय भोगेका छन् । सुपर सिक्सको सम्भावना कायम राख्न यूएई र श्रीलंकालाई जित्नुपर्ने दबाव छ ।