अमेरिकाका फिलिपलाई अन्तर्राष्ट्रिय खेलमा बलिङ गर्न प्रतिबन्ध

काठमाडौँ- अमेरिकाका फास्ट बलर कायल फिलिपलाई अन्तर्राष्ट्रिय क्रिकेट खेलमा बलिङ गर्न प्रतिबन्ध लगाइएको छ । ‘इलिगल बलिङ एक्सन’ प्रयोग गरेको भन्दै फिलिपलाई आईसीसीको इभेन्ट प्यानलले उनलाई अन्तर्राष्ट्रिय खेलमा बलिङ गर्न प्रतिबन्ध लगाएको आईसीसीले जनाएको छ ।

जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत २६ वर्षीय फिलिपले वेस्ट इन्डिजविरुद्धको खेलका क्रममा इलिगल बलिङ एक्सन प्रयोग गरेको रिपोर्ट गरिएको थियो ।

---

आफ्नो बलिङ ठिक भएको आधारसहितको कारण नदिएसम्म फिलिपले अन्तर्राष्ट्रिय खेलमा बलिङ गर्न पाउने छैनन् ।