रोहितले कीर्तिमानी ५० औँ एकदिवसीय अन्तर्राष्ट्रिय खेल्दै

काठमाडौँ- नेपाली राष्ट्रिय क्रिकेट टिमका कप्तान रोहित पौडेलले नेपालका लागि ५० औँ एकदिवसीय अन्तर्राष्ट्रिय क्रिकेट खेल्ने पहिलो खेलाडी बनेका छन् । जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत नेदरल्यान्ड्सविरुद्ध मैदानमा उत्रँदै रोहितले नेपालका लागि कीर्तिमानी ५० औँ खेल खेलेका हुन् ।

नेपालले ५५ औँ एकदिवसीय अन्तर्राष्ट्रिय खेल्दै गर्दा रोहितले ५० औँ एकदिवसीय खेलिरहेका हुन् । रोहित नेपालका लागि सर्वाधिक रन बनाउने खेलाडी समेत हुन् । उनले १४ सय भन्दा बढी रन बनाइसकेका छन् । रोहितले एक शतक तथा ८ अर्धशतक हिर्काएका छन् ।

---

नेपालका लागि रोहितपछि सर्वाधिक धेरै खेल खेल्नेमा दिपेन्द्र सिंह ऐरी हुन् । उनी ४८ औँ खेल खेल्दैछन् ।