लुका मोड्रिच अर्को सिजन पनि रियल मड्रिडबाटै खेल्ने

काठमाडौँ- क्रोएसियन मिडफिल्डर लुका मोड्रिच अर्को सिजन पनि स्पेनिस क्लब रियल मड्रिडबाटै खेल्ने भएका छन् । मोड्रिच सन् २०२४ को जुन महिनासम्म मड्रिडबाटै खेल्ने क्लबले जनाएको हो ।

मड्रिडले ३७ वर्षीय मिडफिल्डरसँग थप एक वर्षको सम्झौता भएको जानकारी गराएको छ । साउदी अरेबियन क्लबबाट प्रस्ताव आएपनि उनले स्पेनमै बस्ने निर्णय गरेका हुन् ।

---

११ सिजन मड्रिडमा बिताइसकेका मोड्रिचले ४ सय ८८ खेल खेल्दै २३ वटा ट्रफी जितेका छन् । सन् २०१२ मा क्लबमा आवद्ध भएयता उनले क्लबका लागि पाँचवटा च्याम्पियन्स लिग, तीन पटक ला लिगा तथा दुईवटा कोपा डेल रेको उपाधि जितेका छन् ।