प्लेअफमा नेपालले यूएईविरुद्ध खेल्ने

काठमाडौँ- जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत नेपालले सातौ स्थानका लागि हुने प्लेअफको पहिलो खेलमा युनाइटेड अरब इमिरेट्स (यूएई) विरुद्ध खेल्ने भएको छ ।

नेपाल र यूएईबीचको खेल आइतबार टाकासिंगा स्पोर्ट्स क्लबमा हुनेछ । नेपाल समूह ‘ए’ मा चौँथो तथा यूएई समूह ‘बी’ मा पाचौँ भएपछि एक-अर्काविरुद्ध खेल्ने भएका हुन् ।

---

समूह चरणमा नेपालले एक खेल जित्दा यूएईले चारवटै खेलमा पराजय भोगेको थियो । यता समूह ‘ए’ मा पाचौँ स्थानमा रहेको अमेरिकाले प्लेअफमा समूह ‘बी’ मा चौँथो भएको आयरल्यान्डविरुद्ध खेल्ने भएको छ ।

दुवै खेलका विजेताले सातौं स्थानका लागि खेल्नेछ ।