एशेज सिरिजः दोस्रो खेल आजबाट सुरु हुँदै

काठमाडौँ- इङ्ग्ल्यान्ड र अस्ट्रेलियाबीचको एशेज टेस्ट सिरिजको दोस्रो खेल आज (बुधबार) बाट सुरु हुँदैछ । इङ्ग्ल्यान्डको लन्डनस्थित लर्ड्स क्रिकेट ग्राउण्डमा हुने दोस्रो टेस्ट नेपाली समय अनुसार ३:४५ बजेबाट सुरु हुनेछ ।

पहिलो टेस्ट खेलमा अस्ट्रेलियाले इङ्ग्ल्यान्डलाई पराजित गरेको थियो । एजब्यास्टन स्टेडियममा भएको खेलमा अस्ट्रेलियाले इङ्ग्ल्यान्डलाई २ विकेटले पराजित गर्दै पाँच खेलको सिरिजमा १-० को अग्रता लिईसकेको छ ।

---

लर्ड्समा हुने खेलमा इङ्ग्ल्यान्डले प्लेइङ-११ को घोषणा गरिसकेको छ । इङ्ग्ल्यान्डको प्लेइङ-११ मा बेन डकेट, ज्याक क्रली, ओली पोप, जो रुट, बेन स्टोक्स, ह्यारी ब्रुक, जोनी बेयरस्टो, स्टुअर्ट ब्रोड, ओली रोबिन्सन, जोश टंग र जेम्स एन्डरसन छन् । जोश टंग पहिलो टेस्ट खेलेका थिएनन् । उनी मोइन अलीका स्थानमा प्लेइङ-११ मा पर्न सफल भएका हुन् ।

अस्ट्रेलियाले भने प्लेइङ-११ सार्वजनिक गरेको छैन । इङ्ग्ल्यान्डविरुद्ध प्लेइङ-११ मा पर्न सके अस्ट्रेलियाका नाथन लायनले लगातार एकसयौँ टेस्ट खेल खेल्नेछन् । यसअघि केवल पाँच क्रिकेटरले मात्र लगातार १०० टेस्ट खेल खेलेका छन् ।