विश्वकप छनोटः श्रीलंकाले नेदरल्यान्ड्सको सामना गर्दै

काठमाडौँ- जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत आज (शुक्रबार) दुई खेल हुने तालिका रहेको छ । छनोटको सुपर सिक्सअन्तर्गत श्रीलंकाले नेदरल्यान्ड्सविरुद्ध खेल्दैछ ।

श्रीलंका र नेदरल्यान्ड्सबीचको खेल क्विन्स स्पोर्ट्स क्लबमा हुनेछ । श्रीलंका समूह ‘बी’ विजेताको रुपमा सुपर सिक्समा पुगेको हो । सुपर सिक्समा श्रीलंका चार अंकसहित प्रवेश गरेको हो । यता नेदरल्यान्ड्स भने समूह ‘ए’ उपविजेताको रुपमा सुपर सिक्समा पुगेको हो । नेदरल्यान्ड्ससँग दुई अंक छ ।

---

आजको खेलमा श्रीलंकाले जित हात पारे यसै वर्ष भारतमा हुने विश्वकप खेल्ने सम्भावना बलियो बन्ने छ । यता विश्वकपको सम्भावना कायमै राख्न नेदरल्यान्ड्सले श्रीलंकालाई पराजित गर्नुपर्नेछ ।

यसैगरी, सातौ स्थानको लागि प्लेअफमा आयरल्यान्डले अमेरिकाविरुद्ध खेल्दैछ । आयरल्यान्ड र अमेरिकाबीचको खेल टाकासिंगा स्पोर्ट्स क्लबमा हुनेछ ।