अध्यक्ष चन्दले रक्सीको सुरमा अभ्रद गाली गरेपछि मैले राजीनामा दिए: वृतान्त खनाल

काठमाडौँ- नेपाल क्रिकेट संघ (क्यान) का अध्यक्ष चतुर बहादुर चन्दले आफूलाई अभ्रद गाली गरेका कारण आफूले क्यानको महाप्रवन्धक पदबाट राजीनामा दिएको वृतान्त खनालले बताएका छन् । 

खनालले सामाजिक सञ्जालमार्फत अध्यक्ष चन्दले रक्सीको सुरमा अभ्रद गाली गरेपछि आफूले पदबाट राजीनामा दिएको जनाएका हुन् ।

---

‘दिउँसै रक्सी सुरमा धुत भएर संघको केन्द्रिय कार्यालयमा आएर, मलाई अभद्र गाली गरे पछि मैले राजिनामा दिएको हु,’ खनालले उल्लेख गरे ।

खनालका अनुसार क्यानका अध्यक्ष चन्दले खेल र खेलाडीको मात्र नभई व्यवस्थापनमा पनि बलमिच्याइ गर्ने तथा सबै विषयमा पार्टीबाट वा हाल प्रधानमन्त्री कार्यालयबाट दबाब आएको भन्दै काम गराउने गरेको समेत आरोप लगाए ।

खनालले काम गर्न नमिलेपछि शासकीइ शैलीमा अध्यक्षमा बर्खास्तीको धम्की दिने बानी रहेको आफूले दास मानसिकतामा काम गर्न नसकिने भएका कारण पनि राजीनामा दिएको समेत जनाएका छन् ।

केहि आर्थिक अनियमिततामा व्यवस्थापनको प्रश्न उठेपछि  चन्द पुरानै शासकीय शैलीमा उग्ररूपमा गाली गलौजमा गर्ने गरेको दावी समेत गरे ।