दिपेन्द्र र सन्दीपले इमर्जिङ टिम्स एसिया कप गुमाउने

काठमाडौँ- नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरी र लेग स्पिनर सन्दीप लामिछानेले श्रीलंकामा हुने एसीसी इमर्जिङ टिम्स एसिया कप गुमाउने भएका छन् ।

क्यानाडामा हुने ग्लोबल टी-ट्वान्टी क्यानाडा (फ्रेन्चाइज लिग) खेल्न जाने भएका कारण दिपेन्द्र र सन्दीपले इमर्जिङ टिम्स एसिया कप गुमाउने भएका हुन् ।

---

श्रीलंकाले जुलाई १३ देखि २३ सम्म इमर्जिङ टिम्स एसिया कप आयोजना गर्दैछ भने क्याडानाको लिग भने जुलाई २० देखि अगस्ट ६ सम्म हुने तालिका रहेको छ ।

दिपेन्द्र मोन्टरियल टाइगर्समा अनुबन्ध भएका छन् भने सन्दीप सर्रे जगुआरमा आवद्ध छन् ।

नेपाली टिमका कप्तान रोहित पौडेलले दिपेन्द्र र सन्दीपले इमर्जिङ टिम्स एसिया कप गुमाउने सुनिश्चित गरे ।