विश्वकप छनोटः टेस्ट राष्ट्र र एसोसियट राष्ट्रबीचको फाइनल

काठमाडौँ- जिम्बाब्वेमा जारी आईसीसी क्रिकेट विश्वकप छनोटको फाइनल आज हुँदैछ । फाइनलमा टेस्ट राष्ट्र श्रीलंका र एसोसियट राष्ट्र नेदरल्यान्ड्सबीचको फाइनल खेल हरारे स्पोर्ट्स क्लबमा नेपाली समयअनुसार दिउँसो १२:४५ बजेबाट सुरु हुनेछ ।

श्रीलंका सुपर सिक्सको शीर्ष स्थान तथा नेदरल्यान्ड्स दोस्रो स्थानमा रहँदै फाइनलमा प्रवेश गरेका हुन् । दुबै टोली भारतमा अक्टोबर ५ देखि नोभेम्बर १९ तारिखसम्म आयोजना हुने एकदिवसीय विश्वकपमा स्थान सुरक्षित गरिसकेका छन् ।

---

विश्वकप छनोटमा श्रीलंकाले खेलेका सातवटै खेलमा अपराजित रहँदै फाइनलमा प्रवेश गरेको हो । यता नेदरल्यान्ड्स भने दुई खेलमा पराजित भएपनि अन्तिम २ मा स्थान बनाउन सफल भएको हो ।

सुपर सिक्समा श्रीलंकाले नेदरल्यान्ड्सलाई २१ रनले पराजित गरेको थियो ।