जैसवाल बने टेस्ट क्रिकेटको डेब्युमै शतक पूरा गर्ने तेस्रो भारतीय खेलाडी

काठमाडौँ- यशस्वी जैसवाल टेस्ट क्रिकेटको डेब्यु खेलमा ओपनिङ ब्याट्सम्यानको रुपमा शतक पूरा गर्ने तेस्रो भारतीय खेलाडी बनेका छन् ।

घरेलु टोली वेस्ट इन्डिजविरुद्ध डेब्यु गर्दै ओपनरको रुपमा ब्याटिङ गर्न आएका जैसवाल १ सय ४३ रनमा अविजित रहेका छन् । उनले ३ सय ५० बलको सामना गर्दा १४ चौका हिर्काएका छन् ।

---

जैसवालभन्दा अगाडी शिखर धवनले सन् २०१३ तथा पृथ्वी शाँले सन् २०१८ मा ओपनर ब्याटरको रुपमा भारतका लागि शतक पूरा गरेका थिए ।

त्यसैगरी, भारतभन्दा बाहिर डेब्यु खेलमै शतक पूरा गर्ने जैसवाल पहिलो भारतीय खेलाडी हुन् ।

अर्कोतर्फ समग्रमा भारतका लागि टेस्ट क्रिकेटको डेब्यु खेलमा शतक पूरा गर्ने जैसवाल १७ औँ खेलाडी हुन् ।