औंलाको घाउ निको पार्ने महिला समर्थकको खोजीमा मोइन अली

काठमाडौँ- इंग्ल्यान्डका स्पिनर मोइन अली एशेज सिरिजअन्तर्गत बलिङ गर्न कठिनाइ भइरहेको समयमा औँलाको घाउ ठिक पार्न सहयोग गर्ने समर्थकको खोजी गरिरहेका छन् ।

अस्ट्रेलियाविरुद्धको एशेज टेस्ट सिरिजको सुरुवातमा बलिङ गर्न समस्या हुँदा एक समर्थकले आफ्नो औँलाको घाउ निको पार्न सहयोग गरेको अलीले खुलासा गरेको बीबीसीले जनाएको छ ।

---

३६ वर्षीय अलीका अनुसार काटिएको औँलालाई ठिक पार्न एक क्रिकेट समर्थकले आफूलाई महबाट बनेको औधषी दिएको तथा उक्त औषधीले आफ्नो औँलाको घाउ निको भएको बताए ।

अलीका अनुसार उनले प्राप्त गरेको सक्कली चिठ्ठी हराएको तथा आफूलाई सहयोग गर्ने महिलालाई धन्यवाद दिन चिठ्ठी लेख्न खोजेको समेत जनाए ।

उनले उक्त महिलालाई आफूलाई सम्पर्क गर्न समेत आग्रह गरेका छन् ।

सन्यास फिर्ता लिएर अस्ट्रेलियाविरुद्ध टेस्ट खेलिरहेका अलीले पहिलो खेलको अन्तिम दिन औँलामा घाउ भएपछि बलिङ गर्न पाएका थिएनन् ।