एसिया कपः मौसम ढकाल नेपालको प्लेइङ-११ मा

काठमाडौँ- श्रीलंकामा जारी एसीसी इमर्जिङ टिम्स एसिया कपको अन्तिम खेलमा नेपालले मौसम (श्याम) ढकाललाई प्लेइङ-११ मा मौका दिएको हो ।

नेपालले युनाइटेड अरब इमिरेट्स (यूएई) ‘ए’ विरुद्ध ढकाललाई मौका दिएको हो । यूएईविरुद्ध नेपालले पहिला बलिङ गर्दैछ ।

---

पी सारा ओभलमा टस जितेर यूएईले नेपाललाई पहिला बलिङका लागि निम्तो दिएको हो ।

समूह ‘बी’ मा रहेका नेपाल र यूएई दुवै प्रतियोगिताको समूह चरणबाटै बाहिरिसकेका छन् ।

अघिल्ला दुवै खेलमा पराजित हुँदै नेपाल र यूएई प्रतियोगिताबाट बाहिरिएका थिए ।