एशेज सिरिज: चौँथो खेल आजबाट सुरु हुँदै

काठमाडौँ- इङ्ग्ल्यान्ड र अस्ट्रेलियाबीच जारी एशेज टेस्ट सिरिजको चौँथो खेल आज (बुधबार) बाट सुरु हुँदैछ । इङ्ग्ल्यान्डको म्यानचेस्टरस्थित एमिरेट्स ओल्ड ट्राफोर्डमा हुने चौँथो टेस्ट नेपाली समय अनुसार ३:४५ बजेबाट सुरु हुनेछ ।

यसअघि भएका तीनमध्ये अस्ट्रेलियाले दुई तथा इङ्ग्ल्यान्डले एक खेलमा जित निकालेको छ । अस्ट्रेलियाले पहिलो दुई टेस्ट खेलमा जित निकालेको थियो भने इङ्ग्ल्यान्डले तेस्रो खेल आफ्नो पक्षमा पारेको थियो ।

---

अस्ट्रेलियाले चौँथो खेलमा जित निकाल्न सके एशेज टेस्ट सिरिज आफ्नो नाममा पार्न सक्छ भने इङ्ग्ल्यान्डलाई सिरिज बराबरी पार्ने मौका छ ।

ओल्ड ट्राफोर्डमा हुने खेलमा इङ्ग्ल्यान्डको प्लेइङ-११ मा बेन डकेट, ज्याक क्रली, ह्यारी ब्रुक, जो रुट, जोनी बेयरस्टो, बेन स्टोक्स, मोइन अली, क्रिस वोक्स, स्टुअर्ट ब्रोड, जेम्स एन्डरसन र मार्क वुड छन् । एन्डरसन रोबिन्सनको ठाँउमा प्लेइङ-११ मा फर्केका हुन् ।

अस्ट्रेलियाको प्लेइङ-११ मा डेभिड वार्नर, उस्मान खवाजा, मार्नस लाबुस्चेन, स्टीभ स्मिथ, ट्राभिस हेड, मिचेल मार्स, एलेक्स केरी, प्याट कमिन्स , मिचेल स्टार्क, क्यामरुन ग्रीन र जोस हेजलवुड छन् । ग्रीन र हेजलवुड मर्फी र बोलान्डको ठाँउमा प्लेइङ-११ मा फर्केका हुन् ।