एसिया कप: उद्घाटनमा नेपालले पाकिस्तानसँग खेल्ने

काठमाडौँ -  एसिया कपको उद्घाटन खेलमा नेपालले आयोजक पाकिस्तानसँग खेल्ने भएको छ । एसियाली क्रिकेट काउन्सिल (एसीसी) ले बुधबार सार्वजनिक गरेको तालिका अनुसार नेपालले आयोजक पाकिस्तानसँग  पहिलो खेल अगष्ट ३० मा मुल्तानमा खेल्ने भएको हो । 

नेपाल, पाकिस्तान र भारत समूह एमा रहेका छन् । नेपालले  दोस्रो खेल सेप्टेम्बर ४ मा भारतसँग श्रीलंकाको केन्डीमा खेल्नेछ । भारत र पाकिस्तानबीचको खेल सेप्टेम्बर २ मा श्रीलंकाको केन्डीमा हुनेछ । 

---

समूह बीमा बंगलादेश, अफगानिस्तान र श्रीलंका छन् ।प्रतियोगिताको फाइनल खेल सेप्टेम्बर १७ मा श्रीलंकाको कोलम्बोमा हुने तालिका रहेको छ ।