पाकिस्तानका साउद शकीलले टेस्ट क्रिकेटमा बनाए विश्व कीर्तिमान

काठमाडौँ- कोलम्बोमा जारी पाकिस्तान र श्रीलंकाबीच दोस्रो टेस्टको तेस्रो दिनमा पाकिस्तानी ब्याट्सम्यान साउद शकीलले सातौं अर्धशतक पूरा गरेका छन् ।

सुरुवाती सातवटै टेस्ट खेल खेल्दा प्रत्येक खेलमा अर्धशतक पूरा गर्दै शकीलले विश्व कीर्तिमान कायम गरेका हुन् ।

---

टेस्ट क्रिकेटको १ सय ४६ वर्षे इतिहासमा आफ्नो पहिलो सात टेस्ट खेल खेल्दा प्रत्येकमा अर्धशतक बनाउने शकील पहिलो खेलाडी बनेका छन् ।

शकीलले सुनील गावस्कर, बासिल बुचर, सईद अहमद र बर्ट सटक्लिफलाई पछि पार्दै कीर्तिमान बनाएका हुन् । उनीहरुले आफ्नो पहिलो ६ खेलमा अर्धशतक बनाएका थिए ।

शकील ५७ रन बनाएर आउट भईसकेका छन् । पाकिस्तानले आफ्नो पहिलो इनिङ्समा ब्याटिङ गर्दै ९० ओभरमा चार विकेट गुमाएर ३५९ रन बनाएर खेलिरहेका छन् ।

शकीलले सात टेस्ट खेलमा बनाएका रनहरुः

पहिलो टेस्टमा ७६

दोस्रो टेस्टमा ६३ र ९४

तेस्रो टेस्टमा ५३

चौँथो टेस्टमा ५५

पाचौँ टेस्टमा १२५

छैटौं टेस्टमा २०८

सातौँ टेस्टमा ५७