स्कटल्यान्ड र आयरल्यान्ड क्रिकेट विश्वकपमा छनोट

काठमाडौँ- स्कटल्यान्ड र आयरल्यान्ड आगामी वर्ष अमेरिका र वेस्ट इन्डिजले आयोजना गर्ने आईसीसी टी-ट्वान्टी क्रिकेट विश्वकपका लागि छनोट भएका छन् ।

युरोपमा भएको छनोटबाट स्कटल्यान्ड र आयरल्यान्डले २०२४ मा आयोजना हुने विश्वकपमा स्थान सुरक्षित गरेका हुन् ।

---

छनोटअन्तर्गत बिहीबार स्कटल्यान्डले डेनमार्कलाई ३३ रनले पराजित गर्दै लगातार पाँच खेल जित्दै विश्वकपका लागि स्थान बनायो ।

अर्कोतर्फ जर्मनीबीचको खेलमा वर्षा बाधक बनेपछि दुवै टिमले अंक बाँडे र आयरल्यान्ड विश्वकपमा पुग्यो ।  आयरल्यान्डले ४ खेलमा जित हात पार्दा एक खेलमा अंक बाँड्यो ।

युरोप छनोटअन्तर्गत ७ टिमको सहभागिता रहेको छ ।