वेस्ट इन्डिजमाथि भारतको शानदार जित, सिरिज पनि भारतलाई

काठमाडौँ- पाहुना टोली भारतले वेस्ट इन्डिजविरुद्धको ३ खेलको एकदवसीय सिरिज जितेको छ । भारतले सिरिज २-१ ले आफ्नो पक्षमा पारेको हो ।

टारोउबामा मंगलबार राति भएको अन्तिम खेल भारतले २ सय रनले जित्दै सिरिज आफ्नो पक्षमा पारेको हो ।

---

मंगलबार राति ३ सय ५२ रनको लक्ष्य पछ्याएको वेस्ट इन्डिजले ३५ ओभर ३ बलमा सबै विकेट गुमाउँदै १ सय ५१ रनमात्र जोड्न सक्यो ।

वेस्ट इन्डिजका लागि गुडाकेस मोटीले सर्वाधिक ३९ रन बनाए । भारतका लागि शार्दुल ठाकुरले ४ तथा मुकेश कुमारले ३ विकेट हात पारे ।

यसअघि टस हारेर पहिले ब्याटिङ गरेको भारतले निर्धारित ५० ओभरमा ५ विकेट गुमाएर ३ सय ५१ रन जोड्यो ।

भारतका लागि शुबमन गिलले ८५, इशान किशनले ७७, कप्तान हार्दिक पाण्ड्याले ७० तथा सन्जु सामसनले ५१ रन बनाए । वेस्ट इन्डिजका लागि रोमारियो शेफर्डले २ विकेट लिए ।