इङ्ल्यान्ड र अष्ट्रेलियाको विश्व टेस्ट च्याम्पियनसीपको अंक घट्यो

काठमाडौँ- इङ्ल्यान्ड र अष्ट्रेलिया दुवैको विश्व टेस्ट च्याम्पियनसीपमा अंक घटेको छ ।

पुरुष एशेज टेस्ट सिरिजमा 'स्लो ओभर-रेट' कायम राखेको कारण आईसीसीले दुवै टिमको अंक घटाएको हो ।

---

ओल्ड ट्राफोर्डमा भएको चौँथो टेस्ट खेलमा स्लो ओभर रेट भएको कारण अस्ट्रेलियाको विश्व टेस्ट च्याम्पियनसीपको १० अंक घट्यो । त्यस्तै इङ्ल्यान्डले पाँचमध्ये चार टेस्टमा स्लो ओभर-रेट गरेकाले १९ अंक गुमाएको हो ।

इङ्ल्यान्ड एजब्यास्टनमा भएको पहिलो टेस्टमा दुई ओभर, लर्ड्समा भएको दोस्रो टेस्टमा नौ ओभर, ओल्ड ट्राफोर्डमा भएको चौँथो टेस्टमा तीन र ओभलमा भएको अन्तिम टेस्टमा पाँच ओभर कम गरेको थियो ।

चौँथो टेस्टमा अष्ट्रेलियाले १० ओभर स्लो गरेकाले खेल शुल्कको ५० प्रतिशत जरिवाना तिर्नुपर्यो ।

पाँच खेलको सिरिज २-२ को बराबरीमा टुंगिएको थियो ।