भारतमाथि वेस्ट इन्डिजको रोमाञ्चक जित

काठमाडौँ- पाहुना टोली भारतविरुद्धको पाँच खेलको टी-ट्वान्टी सिरिजको पहिलो खेलमा वेस्ट इन्डिजले रोमाञ्चक जित हात पारेको छ ।

टारोउबामा बिहीबार राति भएको पहिलो खेलमा वेस्ट इन्डिजले भारतलाई ४ रनले पराजित गरेको हो ।

---

वेस्ट इन्डिजले दिएको १ सय ५० रनको लक्ष्य पछ्याएको भारतले निर्धारित २० ओभरमा ९ विकेट गुमाएर १ सय ४५ रनमात्र जोड्न सक्यो ।

अन्तिम ओभरको ६ बलमा १० रनको आवश्यकता भएपनि वेस्ट इन्डिजले दुई २ विकेट हात पारेपछि भारतले ५ रनमात्र जोड्न सक्यो ।

शेफर्डले पहिलो बलमै कुलदिप यादव (३ रन) लाई बोल्ड गरे भने पाचौँ बलमा अर्शदिप सिंह (१२ रन) रन आउट भए ।

भारतलाई अन्तिम बलमा ६ रन चाहिए पनि मुकेश कुमारले केवल १ रन ल्याए ।

भारतका लागि तिलक वर्माले सर्वाधिक ३९ रन बनाए । वेस्ट इन्डिजका रोमारियो शेफर्ड, जासोन होल्डर र ओबेड म्याककोयले समान २-२ विकेट हात पारे ।

यसअघि टस जितेर पहिले ब्याटिङ गरेको वेस्ट इन्डिजले निर्धारित २० ओभरमा ६ विकेट गुमाएर १ सय ४९ रन बनायो ।

वेस्ट इन्डिजका लागि कप्तान रोभम्यान पोवेलले ४८ रन तथा निकोलास पुरनले ४१ रन जोडे ।

भारतका लागि अर्शदिप सिंह र युजवेन्द्र चहलले २-२ विकेट हात पारे ।