इंग्ल्यान्डका ब्याटर अलेक्स हेल्सले लिए अन्तर्राष्ट्रिय क्रिकेटबाट सन्यास

काठमाडौँ- इंग्ल्यान्डका ब्याट्सम्यान अलेक्स हेल्सले अन्तर्राष्ट्रिय क्रिकेटबाट सन्यास लिएका छन् ।

करिब १२ वर्ष इंग्ल्यान्डका लागि खेलेका हेल्सले अन्तर्राष्ट्रिय क्रिकेटबाट सन्यास लिएका क्रिकबजले जनाएको छ ।

---

सन् २०११ मा भारतविरुद्ध टी-ट्वान्टीबाट अन्तर्राष्ट्रिय खेलमा डेब्यु गरेका हेल्सले इंग्ल्यान्डका लागि ७५ टी-ट्वान्टी, ७० एकदिवसीय तथा ११ टेस्ट खेलेका छन् ।

उनले एकदिवसीयमा २ हजार ४ सय १९ रन, टी-ट्वान्टीमा २ हजार ७४ तथा टेस्टमा ५ सय ७३ रन बनाएका छन् ।