पूर्व भारतीय क्रिकेटर पाल्सिकार नेपाली महिला टिमको सल्लाहकार प्रशिक्षक नियुक्त

काठमाडौँ- पूर्व भारतीय क्रिकेटर देविका दिलिप पाल्सिकर नेपाली राष्ट्रिय महिला क्रिकेट टिमको सल्लाहकार प्रशिक्षक नियुक्त भएकी छन् ।

नेपाल क्रिकेट संघ (क्यान) ले आइतबार पाल्सिकारलाई सल्लाहकार प्रशिक्षकको रुपमा नियुक्त गरिएको जनाएको हो ।

---

पाल्सिकारले आईसीसी महिला टी-ट्वान्टी विश्वकप छनोटका लागि नेपाली महिला टिमलाई सहयोग गर्नेछिन् ।

भारतीय महिला टिमकी पूर्व प्रशिक्षक समेत रहेकी पाल्सिकार २०२२ वुमन्स टी-ट्वान्टी च्यालेन्जका लागि भेलोसिटीको मुख्य प्रशिक्षकको रुपमा रहेकी थिइन् ।

पाल्सिकारले भारतका लागि एक टेस्ट र १५ एकदिवसीय अन्तर्राष्ट्रिय खेलेकी छन् ।