दिपेन्द्रआवद्ध मोन्टरियलले जित्यो ग्लोबल टी-ट्वान्टी क्यानाडाको उपाधि

काठमाडौँ- नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरीआवद्ध मोन्टरियल टाइगर्सले ग्लोबल टी-ट्वान्टी क्यानाडाको उपाधि जितेको छ ।

मोन्टरियलले सन्दीप लामिछानेआवद्ध सर्रे जागुअर्सलाई ५ विकेटले पराजित गर्दै उपाधि जितेको हो ।

---

मोन्टरियलले १ सय ३१ रनको लक्ष्य निर्धारित २० ओभरमा ५ विकेट गुमाएर पूरा गर्‍यो । शेर्फाने रुथरफोर्डले सर्वाधिक ३८ रन बनाउँदा दिपेन्द्रले १७ बलमा १६ रन बनाउँदा रिटायर्ड आउट भए ।

सन्दीपले जागुअर्सका लागि कुनै विकेट लिन सकेनन् ।

यसअघि टस हारेर पहिले ब्याटिङ गरेको सर्रेले निर्धारित २० ओभरमा ५ विकेटको क्षतिमा १ सय ३० रन बनाएको थियो । सर्रेका लागि जतिन्दर सिंहले सर्वाधिक ५६ रन जोडे ।