इंग्ल्यान्डविरुद्धको एकदिवसीय सिरिजका लागि बोल्ट र जामिसन न्यूजिल्यान्डको टिममा

काठमाडौँ- इंग्ल्यान्डविरुद्धको एकदिवसीय सिरिजका लागि न्यूजिल्यान्डले फास्ट बलर ट्रेन्ट बोल्ट र कायल जामिसनलाई टिममा स्थान दिएको छ ।

घरेलु टोली इंग्ल्यान्ड र न्यूजिल्यान्डबीच सेप्टेम्बर ८ देखि १५ सम्म चार खेलको एकदिवसीय सिरिज हुने तालिका रहेको छ ।

---

इंग्ल्यान्डविरुद्धको सिरिजमा टिममा परेसँगै बोल्टले भारतमा आयोजना हुने एकदिवसीय विश्वकप पनि खेल्ने सम्भावना बलियो बनेको छ ।

इंग्ल्यान्डविरुद्धको सिरिजलाई विश्वकपको तयारीको रुपमा समेत लिइएको छ ।

बोल्टले सन् २०२२ को सेप्टेम्बर तथा जामिसनले २०२२ को अप्रिलदेखि एकदिवसीय खेलेका छैनन् ।

गत अगस्टमा न्यूजिल्यान्डले सेन्ट्रल कन्ट्रयाक्टबाट हटाएयता बोल्टले विभिन्न देशमा टी-ट्वान्टी लिग खेल्दै आएका छन् ।

२०१९ को एकदिवसीय विश्वकपमा बोल्ट १० खेलमा १७ विकेट हात पारेका थिए ।