स्टिभ स्मिथले दक्षिण अफ्रिकाविरुद्धको सिरिज गुमाउने

काठमाडौँ- अस्ट्रेलियन ब्याटर स्टिभ स्मिथले दक्षिण अफ्रिकाविरुद्धको टी-ट्वान्टी र एकदिवसीय सिरिज गुमाउने भएका छन् ।

अस्ट्रेलियाले घरेलु टोली अफ्रिकाविरुद्ध ३ खेलको टी-ट्वान्टी तथा ५ खेलको एकदिवसीय सिरिज खेल्दैछ । सिरिज अगस्ट ३० बाट सुरु हुने तालिका रहेको छ ।

---

तर हातको चोटका कारण स्मिथले दक्षिण अफ्रिका भ्रमण गुमाउने भएको क्रिक-इन्फोले जनाएको छ ।

टी-ट्वान्टी सिरिजका लागि टिममा एस्टन टर्नर तथा एकदिवसीयका लागि मार्नस लाबुसेनलाई टिममा स्थान दिइएको छ ।