न्यूजिल्यान्डले जित्यो यूएईविरुद्धको टी-ट्वान्टी सिरिज

काठमाडौँ- पाहुना टोली न्यूजिल्यान्डले युनाइटेड अरब इमिरेट्स (यूएई) विरुद्धको ३ खेलको टी-ट्वान्टी सिरिज जितेको छ ।

आइतबार राति दुबईमा भएको अन्तिम तथा निर्णायक खेल न्यूजिल्यान्डले ३२ रनले जित्दै सिरिजमाथि कब्जा जमाएको हो ।

---

यसअघि पहिलो खेल न्यूजिल्यान्डले जितेपनि दोस्रो खेल भने यूएईले आफ्नो पक्षमा पारेको थियो ।

आइतबार राति १ सय ६७ रनको लक्ष्य पछ्याएको यूएईले निर्धारित २० ओभरमा ७ विकेट गुमाएर १ सय ३४ रनमात्र जोड्यो ।

यूएईका लागि आयान अफजल खानले सर्वाधिक ४२ रन बनाए । न्यूजिल्यान्डका लागि बेन लिस्टरले सर्वाधिक ३ विकेट हात पारे ।

यसअघि टस हारेर पहिले ब्याटिङ गरेको न्यूजिल्यान्डले ५ विकेट गुमाउँदै १ सय ६६ रन बनायो । उसका लागि विल योंगले सर्वाधिक ५६ तथा मार्क चापम्यानले ५१ रन बनाए ।

यूएईका लागि जुनैद सिद्दिकीले सर्वाधिक ३ विकेट लिए ।