एसिया कपका लागि पाकिस्तान पुग्यो नेपाली टिम

काठमाडौँ- एसीसी एसिया कपका लागि पाकिस्तान पुगेको नेपाली क्रिकेट टिमलाई स्वागत गरिएको छ ।

नेपाली टिमलाई पाकिस्तान क्रिकेट बोर्डले स्वागत गरेको पाकिस्तान क्रिकेट टिमले सामाजिकमा तस्विर सार्वजनिक गरेको हो ।

---

नेपाली टिम मंगलबार राति पाकिस्तान प्रस्थान गरेको थियो ।

पाकिस्तान र श्रीलंकामा एसिया कप अगस्ट ३० बाट सुरु हुने तालिका रहेपनि तयारीका लागि नेपाली टोली एक हप्ता अगाडी नै पाकिस्तान  पुगेको हो ।

एसिया कपका लागि नेपाल समूह ‘ए’ मा रहेको छ । यसै समूहमा आयोजक पाकिस्तान र भारत पनि रहेका छन् ।

नेपालले पहिलो खेल पाकिस्तानविरुद्ध अगस्ट ३० तथा दोस्रो खेल भारतविरुद्ध सेप्टेम्बर ४ मा खेल्ने तालिका रहेको छ ।