सन्दीपको एकदिवसीय वरीयता यथावत

काठमाडौँ- नेपाली राष्ट्रिय क्रिकेट टिमका पूर्व कप्तान तथा लेग स्पिनर सन्दीप लामिछानेको एकदिवसीय वरीयता यथावत रहेको छ ।

आईसीसीको बलिङतर्फको पछिल्लो वरीयताक्रम अनुसार लामिछाने २२ औँ स्थानमा यथावत रहेका छन् ।

---

बलिङतर्फ नै दिपेन्द्र सिंह ऐरी ६३ औँ र सोमपाल कामी ८० औँ स्थानमा यथावत रहँदा करण केसी ८३ औँ तथा ललित राजवंशी ९८ औँ स्थानमा छन् ।

ब्याटिङतर्फ कप्तान रोहित पौडेल एक स्थान माथि ७३ ‍औँ स्थानमा उक्लिएका छन् भने आशिफ शेख ८० औँ स्थानमा छन् ।

टी-ट्वान्टीको ब्याटिङतर्फको वरीयतामा दिपेन्द्र सिंह ऐरी ६० औँ, बलिङतर्फ सन्दीप लामिछाने ७० औँ तथा अलराउन्डरतर्फ दिपेन्द्र १४ औँ स्थानमा छन् ।