एसिया कपका लागि सन्दीप लामिछाने पाकिस्तान प्रस्थान

काठमाडौँ- पाकिस्तान र श्रीलंकामा आयोजना हुने एसीसी एसिया कपका लागि नेपाली राष्ट्रिय क्रिकेट टिमका लेग स्पिनर सन्दीप लामिछाने सोमबार पाकिस्तान प्रस्थान गरेका छन् ।

नाबालिक बलात्कारको आरोपमा आइतबार सुनुवाइ हुने भएका कारण सन्दीप टिमसँगै पाकिस्तान जान सकेका थिएनन् । तर काठमाडौँ जिल्ला अदालतमा उनको सुनुवाइ भदौ २१ गते तोकिएपछि सन्दीप सोमबार पाकिस्तान प्रस्थान गरेका हुन् ।

---

नेपालले एसिया कप खेलेर फर्किएलगतै सन्दीपको सुनुवाइ हुने भएको छ ।

एसिया कपका लागि नेपाल समूह ‘ए’ मा रहेको छ । यस समूहमा आयोजक पाकिस्तान र भारत पनि रहेका छन् ।

नेपालले पहिलो खेल पाकिस्तानविरुद्ध अगस्ट ३० मा पाकिस्तान तथा दोस्रो खेल भारतविरुद्ध सेप्टेम्बर ४ मा श्रीलंकामा खेल्ने तालिका रहेको छ ।