बिग बाश लिगको ड्राफ्टमा पाँच नेपाली क्रिकेटर

काठमाडौँ- अस्ट्रेलियाको टी-ट्वान्टी लिग अर्थात बिग बाश लिग (बीबीएल) का लागि नेपालबाट पाँच खेलाडी ड्राफ्टमा परेका छन् ।

यस प्रतियोगिताको १३ औँ संस्करणको ३ सय ७६ विदेशी खेलाडीमा नेपाली राष्ट्रिय क्रिकेट टिमका ५ खेलाडी पर्न सफल भएका हुन् ।

---

ड्राफ्टमा लेग स्पिनर सन्दीप लामिछाने, देव खनाल, आसिफ शेख, आरिफ शेख र अर्जुन साउद छन् ।

सन्दीपलाई होबार्ट हरिकेन्सले 'रिटेन' गर्न पाउनेछ ।

प्रतियोगिताको १३ औँ संस्करण डिसेम्बर ७ बाट सुरु हुने तालिका रहेको छ ।