विश्वकप छनोटः बहराइनले दियो नेपाललाई ३२ रनको लक्ष्य

काठमाडौँ- मलेसियामा जारी आईसीसी महिला टी-ट्वान्टी विश्वकप एसिया क्षेत्रीय छनोटअन्तर्गत बहराइनले नेपाललाई ३२ रनको लक्ष्य दिएको छ ।

समूह ‘ए’ अन्तर्गत टस जितेर पहिले ब्याटिङ गरेको बहराइनले १५ ओभर ४ बलमा सबै विकेट गुमाएर ३१ रन बनायो ।

---

बहराइनका लागि दिपिका रासाङ्गिकाले सर्वाधिक ११ रन जोडिन् । इशारा सुहुनले ५ रन बनाइन् ।

नेपालका लागि इन्दु वर्माले ३, खुसी डंगोलले २ तथा कप्तान रुविना क्षेत्री, कविता कुँवर र पूजा महतोले एक-एक विकेट हात पारे ।