विश्वकप छनोटः बहराइनलाई हराउँदै नेपालले हात पार्‍यो दोस्रो जित

काठमाडौँ- मलेसियामा जारी आईसीसी महिला टी-ट्वान्टी विश्वकप एसिया क्षेत्रीय छनोटअन्तर्गत नेपालले लगातार दोस्रो जित हात पारेको छ ।

समूह ‘ए’ अन्तर्गत शुक्रबार भएको खेलमा बहराइनलाई १० विकेटले पराजित गर्दै नेपालले लगातार दोस्रो जित हात पारेको हो । यसअघि नेपालले मलेसियालाई ५ रनले पराजित गरेको थियो ।

---

जितका लागि चाहिएको ३२ रनको लक्ष्य नेपालले २ ओभर ५ बलमा पूरा गर्‍यो । नेपालको जितमा कविता कुँवर १७ रन र सीता राना मगरले २ रनको योगदान गरे ।

यसअघि टस जितेर पहिले ब्याटिङ गरेको बहराइनले १५ ओभर ४ बलमा सबै विकेट गुमाएर ३१ रन बनायो ।

बहराइनका लागि दिपिका रासाङ्गिकाले सर्वाधिक ११ रन जोडिन् । इशारा सुहुनले ५ रन बनाइन् ।

नेपालका लागि इन्दु वर्माले ३, खुसी डंगोलले २ तथा कप्तान रुविना क्षेत्री, कविता कुँवर र पूजा महतोले एक-एक विकेट हात पारे ।