न्यूजिल्यान्डमाथि इंग्ल्यान्डको शानदार जित

काठमाडौँ- न्यूजिल्यान्डविरुद्धको चार खेलको टी-ट्वान्टी सिरिजको दोस्रो खेलमा इंग्ल्यान्डले शानदार जित हात पारेको छ ।

शुक्रबार राति म्यानचेस्टरमा भएको खेलमा घरेलु टोली इंग्ल्यान्डले न्यूजिल्यान्डलाई ९५ रनले पराजित गर्‍यो । यससँगै सिरिजमा इंग्ल्यान्डले २-० को अग्रता लिएको छ ।

---

शुक्रबार रातिको खेलमा १ सय ९९ रनको लक्ष्य पछ्याएको न्यूजिल्यान्डले १३ ओभर ५ बलमा सबै विकेट गुमाएर १ सय ३ रनमात्र जोड्न सक्यो ।

न्यूजिल्यान्डका लागि टिम सेफर्टले सर्वाधिक ३९ रन बनाउँदा इंग्ल्यान्डका गस अट्किन्सनले सर्वाधिक ४ विकेट हात पारे ।

यसअघि टस जितेर पहिले ब्याटिङ गरेको इंग्ल्यान्डले निर्धारित २० ओभरमा ४ विकेट गुमाएर १ सय ९८ रन बनाउँदा जोनी बेयरस्टोले अविजित ८६ रन तथा ह्यारी ब्रुकले ६७ रनको योगदान गरे ।