एसिया कप : वर्षाको डरबीच भारतले आज पाकिस्तानविरुद्ध खेल्दै

काठमाडौँ- एसीसी एसिया कपअन्तर्गत भारतले आज पहिलो खेलमा आयोजक पाकिस्तानको सामना गर्दैछ ।

समूह ‘ए’ मा रहेका भारत र पाकिस्तानबीचको खेल श्रीलंकाको केन्डीस्थित पालेकेले इन्टरनेसनल क्रिकेट स्टेडियममा नेपाली समयअनुसार दिउँसो ३:१५ बजेबाट सुरु हुनेछ ।

---

तर, केन्डीमा शनिबार वर्षा हुने सम्भावना रहेका कारण भारत र पाकिस्तानबीचको खेल प्रभावित हुने अनुमान गरिएको छ ।

जारी एसिया कपमा भारतले समूह चरणको पहिलो खेल खेल्दा पाकिस्तानले भने दोस्रो तथा अन्तिम खेल खेल्नेछ ।

यसअघि पहिलो खेलमा पाकिस्तानले आफ्नो घरेलु मैदान मुल्तानमा नेपाललाई २ सय ३८ रनले पराजित गरेको थियो । नेपालविरुद्ध पाकिस्तानका कप्तान बाबर आजमले १ सय ५१ रन तथा इफ्तिकार अहमदले १ सय ९ रन जोडेका थिए ।