भेटरान्स टी-ट्वान्टी : कुवेत बादशाहले नेपाल भेटरानलाई हरायो

काठमाडौँ- इन्टरनेसनल भेटरान्स टी-ट्वान्टी क्रिकेट सिरिजको पहिलो खेलमा कुवेत बादशाह क्रिकेट क्लबले नेपाल भेटरानमाथि जित हात पारेको छ ।

शनिबार भएको खेलमा कुवेत बादशाहले नेपाल भेटरानलाई ४ विकेटले पराजित गरेको हो । यससँगै तीन खेलको सिरिजमा कुवेत बादशाहले १-० को अग्रता बनाएको छ ।

---

जितका लागि १ सय ६६ रनको लक्ष्य कुवेत बादशाहले १५ ओभर २ बलमा ६ विकेट गुमाएर पूरा गर्‍यो । कुवेत बादशाहका लागि अदित कुमाराले सर्वाधिक ६७ रन तथा खुरम शाहजादले ३६ रन बनाए ।

नेपाल भेटरानका लागि रिकेश लामा र राजु बस्न्यातले समान २-२ विकेट हात पारे ।

यसअघि पहिले ब्याटिङ गरेको नेपाल भेटरानले ७ विकेटको क्षतिमा १ सय ६५ रन जोड्यो । नेपाल भेटरानका लागि कृतार्थ शाक्यले ३८, दिपेन्द्र चौधरीले ३५ रन र परेश लोहनीले ३२ रन जोडे ।

कुवेत बादशाहका लागि जम्सद अजमतले सर्वाधिक ३ विकेट हात पारे ।