इंग्ल्यान्डमाथि न्यूजिल्यान्डको शानदार जित

काठमाडौँ- घरेलु टोली इंग्ल्यान्डविरुद्धको चार खेलको टी-ट्वान्टी सिरिजको  तेस्रो खेलमा न्यूजिल्यान्डले शानदार जित हात पारेको छ ।

बर्मिङ्घममा आइतबार राति भएको तेस्रो खेलमा न्यूजिल्यान्डले इंग्ल्यान्डलाई ७४ रनले पराजित गरेको हो । यससँगै इंग्ल्यान्डले सिरिजमा २-१ को अग्रता लिएको छ । अघिल्ला दुई खेल भने इंग्ल्यान्डले जितेको थियो ।

---

आइतबार राति २ सय ३ रनको लक्ष्य पछ्याएको इंग्ल्यान्डले १८ ओभर ३ बलमा सबै विकेट गुमाएर १ सय २८ रनमात्र जोड्न सक्यो ।

इंग्ल्यान्डका लागि कप्तान जोस बट्लरले सर्वाधिक ४० तथा मोइन अलीले २६ रन बनाए । न्यूजिल्यान्डका इश सोधी र कायल जामिसनले समान ३-३ विकेट हात पारे ।

यसअघि टस जितेर पहिले ब्याटिङ गरेको न्यूजिल्यान्डले निर्धारित २० ओभरमा ५ विकेट गुमाएर २ सय २ रन बनाउँदा फिन एलेनले ८३ रन तथा ग्लेन फिलिप्सले ६९ रनको योगदान गरे ।

इंग्ल्यान्डका लागि गस एट्किन्सनले सर्वाधिक २ विकेट लिए ।