अस्ट्रेलियाले गर्‍यो दक्षिण अफ्रिकाविरुद्धको सिरिज क्लिन स्विप

काठमाडौँ- पाहुना टोली अस्ट्रेलियाले दक्षिण अफ्रिकाविरुद्धको टी-ट्वान्टी सिरिज क्लिन स्विप गरेको छ ।

आइतबार राति भएको तेस्रो तथा अन्तिम खेल ५ विकेटले जित्दै अस्ट्रेलियाले ३ खेलको सिरिज क्लिन स्विप गरेको हो ।

---

अस्ट्रेलियाले अघिल्ला दुई खेल १ सय ११ रन तथा ८ विकेटले जितेको थियो ।

आइतबार राति १ सय ९१ रनको लक्ष्य अस्ट्रेलियाले १७ ओभर ५ बलमा ५ विकेट गुमाएर पूरा गर्‍यो ।

अस्ट्रेलियालाई जित दिलाउन ट्राभिस हेडले ९१ रन जोड्दा जोश इंग्लिसले ४२ रनको योगदान गरे ।

दक्षिण अफ्रिकाका लागि जेराल्ड कोएट्जी र बिजोर्न फोर्टुइनले समान २-२ विकेट हात पारे ।

यसअघि टस जितेर पहिले ब्याटिङ गरेको दक्षिण अफ्रिकाले निर्धारित २० ओभरमा ८ विकेटको क्षतिमा १ सय ९० रन जोड्यो ।

उसका लागि डोनोभान फेरेइराले ४८ रन तथा रिजा हेन्ड्रिक्सले ४२ र कप्तान आइडेन मारक्रामले ४१ रन जोडे ।

अस्ट्रेलियाका लागि सिन अबोटले सर्वाधिक ४ विकेट लिए ।