दक्षिण अफ्रिकालाई हराएको अस्ट्रेलिया एकदिवसीय वरीयताको शीर्ष स्थानमा

काठमाडौँ- घरेलु टोली दक्षिण अफ्रिकाविरुद्ध लगातार दुई खेलमा जित निकालेको अस्ट्रेलिया एकदिवसीय वरीयताको शीर्ष स्थानमा उक्लिएको छ ।

पाकिस्तान पुरुष टोलीसँग एकदिवसीय वरियताको शीर्ष स्थान गुमाएको अष्ट्रेलिया केही दिनमै पुनः शीर्ष स्थानमा आइपुगेको हो ।

---

घरेलु टोली दक्षिण अफ्रिकाविरुद्धको पाँच खेलको एकदिवसीय सिरिजको दोस्रो खेलमा अस्ट्रेलियाले दक्षिण अफ्रिकालाई १ सय २३ रनले पराजित गरेसँगै शीर्ष स्थान हासिल गरेको हो ।

पाकिस्तानले पहिलो स्थान गुमाएर दोस्रो स्थानमा झरेको छ ।

यसैबीच, अस्ट्रेलियाका ओपनर ब्याट्सम्यान डेभिड वार्नरले भारतीय पूर्व क्रिकेट सचिन तेन्दुलकरको कीर्तिमान तोडेका छन् ।

वार्नरले दक्षिण अफ्रिकाविरुद्ध ओपनरको रुपमा ४६ औँ शतक प्रहार गरेसँग सचिनको कीर्तिमान तोडेका हुन् ।

सचिनले ओपनरको रुपमा ४५ औँ शतक पूरा गरेका थिए ।

यता एकदिवसीय वरीयतामा नेपाल १५ औँ स्थानमा यथावत छ ।