एसिया कपः पाकिस्तानलाई हराएको भारत आज श्रीलंकाविरुद्ध खेल्दै

काठमाडौँ- एसीसी एसिया कपको सुपर फोरअन्तर्गत सोमबार पहिलो जित हात पारेको भारतले आज मंगलबार दोस्रो खेल खेल्दैछ ।

सुपर फोरको दोस्रो खेलमा भारतले श्रीलंकाविरुद्ध खेल्न लागेको हो । भारत र श्रीलंकाबीचको खेल श्रीलंकाको कोलम्बोस्थित प्रेमादासा स्टेडियममा नेपाली समयअनुसार दिउँसो ३:१५ बजेबाट सुरु हुँदैछ ।

---

यसअघि वर्षाका कारण खेल प्रभावित बनेपनि भारतले पहिलो खेल आइतबार र सोमबार पाकिस्तानविरुद्ध खेल्दै जित निकालेको थियो ।

यससँगै भारतको फाइनल पुग्ने सम्भावना बलियो बनेको छ । श्रीलंकाले पनि पहिलो खेलमा बंगलादेशलाई पराजित गर्दै फाइनलको सम्भावना बलियो बनाएको छ ।