भारतीय व्यापारी मित्तलले नेपाली बलर ललित राजवंशीलाई ब्याट सहयोग गर्ने

काठमाडौँ- भारतीय युवा व्यापारी अनुपम मित्तलले नेपाली राष्ट्रिय क्रिकेट टिमका स्पिनर ललित नारायण राजवंशीलाई ब्याट उपलब्ध गराउने घोषणा गरेका छन् ।

ललित राजवंशीले खेल्नका लागि आफूसँग राम्रो ब्याट नभएको बताएको आईसीसी एसिया क्रिकेटले सामाजिक सञ्जाल ‘एक्स’ मा उल्लेख गरेपछि मित्तलले रिप्लाई गर्दै उनलाई ब्याट उपलब्ध गराउने जनाएका हुन् ।

---

ललितले खेलका क्रममा आफूले खास गरी कुशल भुर्तेलको ब्याट प्रयोग गर्ने गरेको बताएको समेत आईसीसी एसिया क्रिकेटले उल्लेख गरेको छ ।

त्यसैलाई रिप्लाई गर्दै शादी डट कमका फाउन्डर मित्तलले ललितलाई ब्याट सहयोग गर्न तयार रहेको जनाएका छन् ।